სენაკში ერთმანეთს საპატრულო პოლიციის მანქანა და მსუბუქი ავტომობილი შეეჯახნენ. შემთხვევის შედეგად საპატრულო პოლიციის თანამშრომელი დაშავდა. ის სასწრაფო-სამედიცინო დახმარების ბრიგადამ კლინიკა „არქიმედეში” გადაიყვანა.
ექიმების ინფორმაციით, დაზარალებულს აქვს მსუბუქი ჭრილობა შუბლის არეში და მის სიცოცხლეს საფრთხე არ ემუქრება. ადგილზე მობილიზებულია პოლიცია.
მომხდართან დაკავშირებით, შსს-მ გამოძიება სისხლის სამართლის კოდექსის 276-ე მუხლის მე-2 ნაწილით დაიწყო.