ოპოზიციის სრული იგნორის ფონზე, დღეს ქვვეყნის მასშტაბით არჩევნების მეორე ტური მიმდინარეობს. საარჩევნო პროცესს არ აკვირდება არც ერთი პარტიის დამკვირვებელი, კომისიებიდან გაწვეულია კომისიის წევრებიც.
ზუგდიდში ორ საათში ამომრჩეველთა აქტივობა 4,64%-ია, რაც ამავე პირველი ტურის მონაცემებთან შედარებით, დაახლოებით, 2%-ით ნაკლებია.
67-ე საოლქო საარჩევნო კომისიის თავმჯდომარის მირანდა მესხის ინფორმაციით, 120 255 ამომრჩევლიდან ათი საათისთვის ხმა 5 577-მა პირმა მისცა.
რაც შეეხება საარჩევნო პროცესს, მისივე ინფორმაციით, ამ დროისთვის მხოლოდ ერთი პროცედურული საჩივარია დაწერილი.