თბილისის სახელმწიფო უნივერსიტეტის პროფესორის, კორნელი კაკაჩიას ჯანმრთელობის მდგომარეობა დამძიმდა. ის რუხის კლინიკიდან თბილისში გადმოყვანას ითხოვს, როგორც კაკაჩია წერს, მე-6 დღეა, მაღალი ტემპერატურა (39.0 გრადუსი) აქვს, ასევე, უჭირს სუნთქვა და აქვს მარჯვენა ფილტვის პნევმონია
„ძალიან მძიმედაა სიტუაცია, ვირუსი ვერ შეჩერდა, ვერ ვდგები, ჟანგბადის გარეშე ვერ ვსუნთქავ, ხელოვნური სუნთქვის აპარატი მჭირდება, შესაძლოა ყველაფერი ფატალურად დამთავრდეს. ჩემი სიცოცხლე რეალურად გადასხმებზეა დამოკიდებული, აქ ელემენტარული რაღაცეები არაა, თან ექიმები ნახევარი ცუდად გახდა, დედაჩემი უკეთ გახდა, ცოტა ხანში გაწერენ, რაც შეეხება ჩემს სიტუაციას თუ ხვალამდე არ გადამიყვანენ, შესაძლოა ბოლო ინტერვიუ იყოს,” – განაცხადა კაკაჩიამ „რეზონანსთან”.
ოჯახი და ახლობლები ხელისუფლებისგან ითხოვენ, რომ სასწრაფოდ ის და მისი დედა თბილისის ბოჭორიშვილის კლინიკაში გადაიყვანონ.
ჯანდაცვის სამინისტროში ამბობენ, რომ კორონავირუსით ინფიცირებულ კორნელი კაკაჩიას ყველა საჭირო პროცედურა ჩაუტარდება რუხის კლინიკაში. სადაც რეანიმატოლოგთა ჯგუფი მუშაობს. სამინისტროში არ ამბობენ, იგეგმება თუ არა კაკაჩიას თბილისში გადმოყვანა.