გიორგი რურუაზე პოლიტიკური დაკვეთა იყო. – ასე ეხმაურება ოპოზიცია და არასამთავრობო სექტორი 2 ნოემბერს გლდანის ციხეში მომხდარ ამაზრზენ ფაქტს, რომელიც ყველა ნიშნით ხელისუფლების მიერ იყო ინსპირირებული – ხელისუფლების დაგეშილი სხვა პატიმრები თავს დაესხნენ და ფიზიკური და სიტყვიერი შეურაცხყოფა მიაყენეს ივანიშვილის პირად პატიმარს, მთავარი არხის დამფუძნებელსა და ოპოზიციური მოძრაობის ერთერთ თვალსაჩინო წარმომადგენელს, რომელიც სასჯელს სრულიად დაუსაბუთებელი ბრალდებით იხდის. დაპირისპირების შედეგად რურუას სახის არეში სისხლნაჟღენთები აღენიშნება. პენიტენციური სამსახურის განცხადებით, მომხდართან დაკავშირებით გამოძიება უკვე დაიწყო.
თავად გიორგი რურუა Facebook-ზე ავრცელებს პოსტს სადაც წერს, რომ მასზე თავდასხმაში პასუხისმგებელი ბიძინა ივანიშვილია.
გუშინდელ ინციდენტზე მთლიან პასუხისმგებლობას ვაკისრებ რუს ოლიგარქ ივანიშვილს. მხოლოდ მისი თანხმობით შეიძლებოდა ეს მომხდარიყო. მადლობა მეგობრებო თანადგომისათვის”, – წერს გიორგი რურუა.
ამასთან, გიორგი რურუა მხარდაჭერას უცხადებს ნიკა მელიას. “სრული მხარდაჭერა ნიკა მელიას. თავდასხმების, ციხეების, წვიმის, სიცივის, გათენებული ღამეების, არ დანებების შემდეგ მოდის თავისუფლება.– წერს გიორგი რურუა