ერთიანი ნაციონალური მოძრაობის” პოლიტიკური საბჭოს წევრი სალომე სამადაშვილი გლდანში მომხდარ დაპირისპირებასთან დაკავშირებით განცხადებას აკეთებს და ამბობს, რომ გლდანის მაჟორიტარულ ოლქში ნიკა მელია დამაჯერებლად იმარჯვებს, რის შედეგადაც ხელისუფლებას, მისივე თქმით, ხელისუფლებას პანიკა აქვს.
სალომე სამადაშვილის განცხადებით, ბიძინა ივანიშვილი გლდანში არჩევნებს აგებს და ნიკა მელიას ორჯერ მეტი ხმების რაოდენობა აქვს.
“აგებს არჩევნებს ბიძინა ივანიშვილი გლდანში, ძალიან დამაჯერებლად იმარჯვებს ნიკა მელია, დაახლოებით ორჯერ მეტი ხმა აქვს ვიდრე ხელისუფლების კანდიდატს და შესაბამისად აქვთ პანიკა. შეხედეთ პოლიციის მობილიზაციას, შეხედეთ რა რაოდენობით პოლიციელია მოსული და ეს არის თავისუფალი სახელმწიფო და ქვეყანა თქვენი აზრით? რომელ ცივილიზებულ სახელმწიფოში ტარდება არჩევნები ასე? კრიმინალებს რომ ჩართავ არჩევნებში და კრიმინალებს რომ ჩაატარებინებ არჩევნებს, აი ეს არის შედეგი.
მე მაქვს ინფორმაცია, რომ ნიკა მელია გლდანის მაჟორიტარულ ოლქს იგებს ძალიან დამაჯერებლად, შესაბამისად ვხედავთ, რომ ხელისუფლება უკვე სასოწარკვეთილი პანიკის რეჟიმში, როდესაც ფაქტობრივად არჩევნების ჩაშლას ცდილობენ და ცხადია, რომ მათ ამის შესაძლებლობას არავინ მისცემს, ამიტომ მოვედი მე აქ და ამიტომ არიან დამკვირვებლები, მათ შორის ჩვენი პარტიისა და სხვა პარტიის წარმომადგენლები, საერთაშორისო დამკვირვებლები. ძალიან სწრაფ რეჟიმში ვაყენებთ საქმის კურსში ყველა შესაბამის საელჩოს,” – განაცხადა სალომე სამადაშვილმა.