“ერთიანი ნაციონალური მოძრაობა” თავისუფლების მოედანზე შემაჯამებელი წინასაარჩევნო ღონისძიების გამართვისთვის ემზადება.
“დღეს ჩვენ გვაქვს წინასაარჩევნო კამპანიის შემაჯამებელი შეკრება. აქ იქნებიან ჩვენი მხარდამჭერები როგორც თბილისიდან, ასევე რეგიონიდან და არამხოლოდ ჩვენი პარტიის მხარდამჭერები, არამედ ველოდებით ყველა ადამიანს, რომელიც ითხოვს ცვლილებებს და მზად არის, რომ 31 ოქტომბერს ამ ცვლილებების მთავარი ავტორი იყოს. აცხადებს ,,ნაციონალური მოძრაობის” ერთ-ერთი ლიდერი ზაალ უდუმაშვილი
კიდევ ერთხელ გავაჟღერებთ იმ გზავნილებს, რომელიც მოსახლეობისადმი გაგვაჩნია. დღეს სცენაზე გამოვლენ გაერთიანებული ოპოზიციის ლიდერები და ისინი მიაწვდიან მთავარ გზავნილებს აქ შეკრებილ მოსახლეობას. 31 ოქტომბრამდე დარჩენილია 2 დღე და ეს იქნება ის დამაგვირგვინებელი შეხვედრა, რომელიც დაასრულებს ჩვენ საარჩევნო კამპანიას”, – აღნიშნა ზაალ უდუმაშვილმა.
ცნობისათვის დღეს, დილის 9 საათზე ზუგდიდიდან თბილისისკენ დაიძრა ნაციონალური მოძრაობის მხარდამჭერთა ავტოკოლონაც, რომელსაც გზადაგზა ათასობით ადამიანი შეუერთდება