ხულოს რაიონის სოგელ დიდაჭარაში ადგილობრივებმა “ქართული ოცნების” მაჟორიტარი დეპუტატობის კანდიდატს, ანზორ ბოლქვაძეს წინასაარჩევნო შეხვედრის გამართვის საშუალება არ მისცეს და სოფელი დაატოვებინეს.
სოფლის მაცხოვრებლები ამბობენ, რომ წლების განმავლობაში ბოლქვაძე მხოლოდ დაპირებებს გასცემდა და რიაიონისთვის მას არაფერი გაუეთებია – შესაბამისად, მომდევნო 4 წლის განმავლობაში კანდიდატი საკუთარი კომპანიების გამდიდრებას შეეცდება, როგორც ეს გასულ წლებში ხდებოდა.
გარდა დიდაჭარისა, სხვა სოფლების მაცხოვრებლებიც ეჭვობენ, რომ ანზორ ბოლქვაძე ფულის გათეთრებას შეეცდება და მოსახლეობისთვის სასარგებლოს არაფერს გააკეთებს.
ცნობისთვის, ანზორ ბოლქვაძე 12 წელია საქართველოს პარლამენტის წევრია. იგი ჯერ მაჟორიტარი დეპუტატობის კანდიდატი იყო ენმ-დან, 2012 წლიდან კი “ოცნების” დეპუტატია.
ანზორ ბოლქვაძის შემდეგ, სოფელ დიდაჭარას მოსახლეობამ სოფელში უკვე რეგიონის მთავრობის მეთაური, თორნიკე რიჟვაძე არ შეუშვა და გამოაძევა.
ვიდეო სოციალურ ქსელში გავრცელდა. ვიდეოში ჩანს ევროპულის ჩემპიონი ფირუზ წულუკიძე რომელიც უკვე რამდენიმე თვეა ხელისუფლების მხრიდან ზეწოლაზე საუბრობს.
ფირუზ წულუკიძის ძმა რეზო წულუკიძე, უკვე რამდენიმე თვეა ხულიგნობის ბრალდებით იხდის სასჯელს. ძმები წულუკიძეები ამბობენ, რომ აჭარის ადგილობრივი ხელისუფლება პოლიტიკური მოტივით სდევნის მათ, რადგან სპორტსმენებმა არჩევნებში დახმარებაზე ხელისუფლებას უარი უთხრეს.
პარალელურად რეგიონის ოპოზიცია ასაჯაროებს აუდიო ჩანაწერებს, რომელიც პირდაპირ ადასტურებს, რომ საარჩევნო პროცესს მთლიანად სუს-ი აკონტროლებს, მათ შორის ნიშნავს და მართავს საუბნო კომისიის წევრებს.