31 ოქტომბრის არჩევნების შედეგებიდან გამომდინარე, შესაძლოა, გახარიას მთავრობამ სტრატეგია შეცვალოს და ხელისუფლებაში ივანიშვილის დატოვების წინასწარ მომზადებული გეგმა აამოქმედოს.
“ოცნებამ” მმართველობის მერვე წელს ისევ ნაცად ტრიუკს მიმართა და ამომრჩეველს დესტაბილიზაცია დაუანონსა. მუქარის შინაარსი უცვლელია – ოპოზიცია გეგმავს ქვეყანაში რევოლუციური სცენარი განავითაროს
მეტი დამაჯერებლობისთვის კობახიძემ ჩვეული ტერმინები გამოიყენა და ოპოზიცია კრიმინალებად და რადიკალებად მოიხსენია.
აგონიაში მყოფი მმართველი გუნდის ბოლო გზავნილები და კობახიძის მორიგი სიბეცე – ასეთი შეფასებები მოჰყვა მმართველი გუნდის ერთ-ერთი ლიდერის დაანონსებულ გადატრიალებას.
„ნაციონალური მოძრაობის“ თავმჯდომარე გრიგოლ ვაშაძე აცხადებს, რომ გაერთიანებული ოპოზიცია არეულობისთვის არ ემზადება.
ჩვენი პარტიების წევრებს და მხარდამჭერებს- ძვირფასო მეგობრებო, არავითარ შემთხვევაში არავითარი ძალადობა, ჩავატაროთ ნორმალური, დემოკრატიული არჩევნები, არ მივცეთ ხელისუფლებას საშუალება, რამე დაგვაბრალოს”, – განაცხადა გრიგოლ ვაშაძემ.
ევროპული საქართველოს ლიდერი დარწმუნებულია, რომ ორ ნოემბერს პრემიერ მინისტრი პანდემიას მოიმიზეზებს, ამ მოტივით ქვეყანაში საგანგებო მდგომარეობას გამოაცხადებს და ამით მაქსიმალურად შეზღუდავს მეორე ტურების წინ წინასაარჩევნო კამპანიებს და შესაძლოა თვეობითაც გაახანგრძლივოს ძველი პარლამენტის უფლებამოსილება.