ზუგდიდში ბენზინგასამართი სადგური დააყაჩაღეს. როგორც “ოდიშინიუსისთვის” გახდა ცნობილი, თავდამსხმელებმა 1000 ლარამდე თანხა წაიღეს. ბოროტმოქმედები მიიმალნენ, მანქანა კი, რომლითაც გამტაცებლები გადაადგილდებოდნენ, სამართალდამცავებმა დღეს დილით სოფელ ნარაზენში, უჩაშონას უბანში იპოვეს. შემთხვევა გუშინ მოხდა. ამ ეტაპზე შემთხვევის ადგილზე საგამოძიებო მოქმედებები მიმდინარეობს. უცნობია, როგორ და რა ვითარებაში მოხდა თავდასხმა და ასევე ისიც, თუ რამდენი ადამიანი იყო თავდამსხმელი და რა ტიპის იარაღით იყვნენ ისინი. ამ დრომდე დამნაშავეები არ დაუკავებიათ.
შსს ს ინფორმაციით, ზუგდიდში, ერთ-ერთ ბენზინგასამართ სადგურზე მომხდარ ყაჩაღობის ფაქტზე გამოძიება სისხლის სამართლის კოდექსის 179-ე მუხლით დაიწყო. უწყების ინფორმაციით, ინტენსიურ რეჟიმში ტარდება საგამოძიებო და ოპერატიული ღონისძიებები.