არაოფიციალური ინფორმაციით, “საქართველოს ბანკზე“ თავდამსხმელმა თანწაყვანილი მძევლები ჩხოროწყუს რაიონის სოფელ კირცხის ტყეში გაათავისუფლა, რის შემდეგაც მიიმალა. შინაგან საქმეთა სამინისტროს ინფორმაციით, დამნაშავის სამძებრო სამუშაოები მიმდინარეობს.
თავად მძევლების ჯანმრთელობის მდგომარეობა დამაკმაყოფილებელია. მათ რაიმე სახის დაზიანებები არ აღენიშნებათ.
სამეგრელო-ზემო სვანეთის პოლიციის დეპარტამენტის დირექტორმა, ავთანდილ გალდავამ განაცხადა, რომ ისიც და მძევლებიც კარგად არიან. პირველი არხის ინფორმაციით ამის შესახებ მან ჟურნალისტებს წალენჯიხის პოლიციის შენობასთან განუცხადა, სადაც მძევლების გამოკითხვა მიმდინარეობს.
შინაგან საქმეთა სამინისტრო კი ამ დრომდე არ გაუვრცელებია კონრეტული ინფორმაცია იმის შესახებ, თუ სად იმყოფება ამჟამად მძარცველი და სად და როგორ მოხდა მის მიერ თანწაყვანილი მძევლების გათავისუფლება
.