ზუგდიდში, კომბინატის უბანში, ცენტრალური გზიდან მანქანა მოიპარეს. „09“ მარკის ავტომობილის მძღოლს, რომელიც საქმეზე იყო გასული, მანქანა ადგილზე არ დახვდა. შემთხვევა 8 ოქტომბერს, საღამოს 10-დან 11 საათამდე პერიოდში მოხდა. ჩვენი ინფორმაციით, საქმეზე გამოძიერბა დაწყებულია. „ოდიშინიუსს“ შსს-ში განუცხადეს, რომ დეტალებს არკვევენ და მოგვიანებით გახდება ცნობილი, თუ რომელი მუხლითაა საქმე აღძრული და რა ეტაპზეა გამოძიება. შინაგან საქმეთა სამინისტრო ქურდობის სტატისტიკი საგანგაშოდ ზრდაზე არ მიუთითებს, თუმცა, ფაქტები სახეზეა. საერთო ანგარიშში ავტომანქანების ძარცვა ცალკე დათვლილი არ არის, 2018 წელს 19, 732 ქურდობის ფაქტია დათვლილი – 2019 წელს კი – 20, 090.