ეკატერინე ტიკარაძე – საქართველო გრიპის 250 000-ზე მეტ ვაქცინას შეიძენს

0
429

ჯანდაცვის მინისტრის ეკატერინე ტიკარაძის გაცხადებით, საქართველო სეზონური გრიპის საწინააღმდეგო დაახლოებით 250 ათასზე მეტ ვაქცინას შეიძენს. ამის შესახებ მინისტრმა საკოორდინაციო საბჭოს დასრულების შემდეგ განაცხადა.

„ვაქცინა შეძენილია. ჩვენ კიდევ ვზრუნავთ იმაზე, რომ ვაქცინების დამატებითი რაოდენობა შევიძინოთ, ვინაიდან ვხედავთ, რომ მოსახლეობაში გაზრდილია, როგორც ნდობა, ასევე სურვილი იმისა, რომ ისინი აცრილები იყვნენ. შემდეგი ერთი კვირის მანძილზე ჩვენ უკვე ველოდებით, რომ ვაქცინის პირველი ნაწილი ქალაქში იქნება და აღნიშნულის გათვალისწინებით, მოსახლეობის ვაქცინაციას დავიწყებთ. საერთო ჯამში ჩვენ 250 ათასზე მეტ ვაქცინას შევიძენთ“,-განაცხადა ტიკარაძემ.

წინა სტატიასირიაში ოკუპირებული აფხაზეთის ე.წ. საელჩო იხსნება
შემდეგი სტატიაანზორ ბიწაძე: რეალური საარსებო მინიმუმის განსაზღვრა ხელისუფლების ინტერესებში არ შედის
ტელეკომპანია ოდიშის საინფორმაციო სამსახური