მთავარისიახლეებისაზოგადოებაოკუპანტი ვენერას ისაკუთრებს და ჩვენ სულ რა ვთქვათ?

ოკუპანტი ვენერას ისაკუთრებს და ჩვენ სულ რა ვთქვათ?

Published on

რუსეთის კოსმოსური სააგენტოს, როსკოსმოსის, ხელმძღვანელმა დმიტრი როგოზინმა განაცხადა, რომ ვენერა რუსული პლანეტაა. როგოზინის განცხადება ორშაბათს Nature Astronomy-ში გამოქვეყნებული კვლევის შედეგებს უკავშირდება, რომელთა თანახმადაც ამერიკელმა და ბრიტანელმა მეცნიერებმა ვენერას ატმოსფეროში ფოსფინის აირი აღმოაჩინეს, რაც პლანეტაზე მიკრობული სიცოცხლის შესაძლო არსებობაზე მიუთითებს.

HeliRussia-ს გამოფენაზე როგოზინმა აღნიშნა, რომ რუსი მეცნიერების მიერ ჩატარებული კვლევების თანახმად ვენერა სიცოცხლის არსებობისთვის შეუსაბამოა.

“ჩვენი ქვეყანა იყო პირველი და ერთადერთი რომელმაც ვენერაზე წარმატებული დაშვება განახორციელა. რუსულმა კოსმოსურმა ხომალდმა მოიპოვა ინფორმაცია პლანეტაზე – იქაურობა ჯოჯოხეთს ჰგავს” – თქვა დმიტრი როგოზინმა.

როსკოსმოსი გეგმავს ვენერაზე საერთაშორისო თანამშრომლობის გარეშე დამოუკიდებელი ექსპედიცია გაუშვას. ამ დრომდე როსკოსმოსი 2026 ან 2031 წლისთვის გეგმავდა Venera-D მისიის ორგანიზებას, რომელიც აშშ-სთან თანამშრომლობით მზადდება.

ორშაბათს გამოქვეყნებული კვლევის შედეგების შემდეგ რუსი მილიარდერის იური მილნერის მიერ დაფინანსებულმა პროგრამამ, Breakthrough Initaitives-მა, განაცხადა, რომ პლანეტის ატმოსფეროში პრიმიტიული სიცოცხლის შესაძლო არსებობის გამოსაკვლევად კვლევას დააფინანსებდა.

Nature Astronomy-ში გამოქვეყნებული კველვის თანახმად მეცნიერებმა ვენერას ატმოსფეროში ფოსფინის აირის კვალი აღმოაჩინეს, რაც მიუთითებს, რომ, შესაძლოა, ვენერაზე მიკრობული სიცოცხლე არსებობდეს.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...