ნაციონალური მოძრაობის წევრისა და გლდანში მაჟორიტარობის კანდიდატის, ნიკა მელიას თქმით, მისი დიდი სურვილი იყო, რომ რეგიონის ოლქებში საერთო კანდიდატები წარედგინათ. ამის შესახებ მან ფორმულას ეთერში ისაუბრა.

“რაც მოხდა, მოხდა და ამაზე საუბარს ახლა არ ვაპირებ. კარგი იქნებოდა და მე მოწადინებული ვიყავი, ჩემი ძალიან დიდი სურვილი იყო, რომ ეს მომხდარიყო ძალიან ბევრ ოლქში. დარწმუნებული ვარ, რომ გლდანის გარდა, პირველ ტურში რამდენიმე ოპოზიციონერი კანდიდატი გამარჯვებას მოიპოვებს”, — განაცხადა მელიამ.

ნიკა მელია გლდანში ოპოზიციის საერთო კანდიდატია. მის მსგავსად საერთო კანდიდატები ოპოზიციამ თბილისის 6 ოლქში წარადგინა. რაც შეეხება რეგიონებს აქ ნაციონალურმა მოძრაობამ და მასთან კოალიციაში არსებულმა პარტიებმა დამოუკიდებლად ყოფნა არჩიეს.

Edison Research-ის კვლევის მიხედვით, ნიკა მელიას გამოკითხულთა 52% უჭერს მხარს. ,,ქარული ოცნების” კანდიდატს კობიაშვილს 33%. მელია ტელეკომპანია ფორმულას ეთერში ამბობს, რომ ის ამ შედეგს ელოდა. 

“მთავარი განმაპირობებელი ფაქტორი, რამაც ერთი-ათად გაზარდა შანსი, რომ გლდანში ოპოზიციამ პირველივე ტურში გაიმარჯვოს, არის ერთობა. ერთობა, რომელიც დაფიქსირდა გლდანის რაიონში – მთლიანი ოპოზიციური სპექტრი შევთანხმდით ერთ საერთო კანდიდატზე და ძალიან განსხვავებული ოპოზიციური პარტიების შტატები მუშაობენ ერთ საერთო მაჟორიტარზე, ამ შემთხვევაში ნიკა მელიაზე”.- ამბობს მელია.