ევროპარლამენტარის, ვიოლა ფონ კრამონის განცხადებით, მიუხედავად იმისა, საქართველო რეგიონში ლიდერია და კორონავირუსის კრიზისთან ბრძოლას თავი წარმატებით გაართვა, რამდენიმე პრობლემა, როგორც ქვეყნის შიგნით, ასევე — გარეთ, მაინც რჩება დასაძლევი.
მისი თქმით, ქვეყნის შინგით “მილიარდელი ივანიშვილის ჩრდილოვანი მმართველობა დემოკრატიას უქმნის საფრთხეს”, ხოლო ქვეყნის გარეთ — რუსეთის ჰიბრიდული ომი ემუქრება ქვეყნის სუვერენიტეტს.
ვროპარლამენტში გამართული დებატების დროს, კრამონმა, ასევე აღნიშნა, რომ საქართველოს დემოკრატიისთვის, მომავალი არჩევნები უმნიშვნელოვანესი იქნება.
“გამომდინარე იქედან, რომ საქართველო გასულ წელს ბევრი გამოწვევის წინაშე იდგა, სასიამოვნო იყო იმის ხილვა, რომ საქართველოს მეგობრების თანამშრომლობამ იმუშავა. ჩვენი და თქვენი დახმარებით მთავარმა პოლიტიკურმა ძალებმა ახალ საარჩევნო სისტემაზე მომავალი არჩევნებისთვის შეთანხმებას მიაღწიეს”, — აღნიშნავს ის.
მისი თქმით, ყველა პოლიტიკური მოთამაშისთვის თანაბარი და თავისუფალი გარემო გარანტირებული უნდა იყოს, სასამართლო სისტემა კი — უფრო გამჭვირვალე