ზუგდიდში, ჯგუფურ დანაშაულში ბრალდებულ ორ პირს ბრალი დაუმძიმდა

0
298

 შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლების მიერ, ზუგდიდში, ჯგუფური ძალადობის ბრალდებით დაკავებულ 2 პირს ბრალი დაუმძიმდათ.  ბრალდებულებმა, მიმდინარე წლის 9 სექტემბერს, ზუგდიდის მუნიციპალიტეტის სოფელ ინგირში, 1982 წელს დაბადებულ ი.ჭ.-ს ფიზიკური შეურაცხყოფა მიაყენეს, მიღებული დაზიანებებით შედეგად დაშავებული 11 სექტემბერს კლინიკაში გარდაიცვალა.

გამოძიება სისხლის სამართლის კოდექსის 117-ე მუხლის მე-5 ნაწილის “ე” ქვეპუნქტით გრძელდება, რაც ჯგუფურად ჩადენილ ჯანმრთელობის განზრახ მძიმე დაზიანებას გულისხმობს. ჩადენილი დანაშაული 7-დან 10 წლამდე ვადით თავისუფლების აღკვეთას ითვალისწინებს.

არსებული ინფორმაციით, დაპირისპირება ზუგდიდში ერთ-ერთ თხილის ქარხანასთან მოხდა. ინციდენტში რამდენიმე ადამიანი მონაწილეობდა, დაშავებული ზუგდიდის რეფერალურ ჰოსპიტალში 9 სექტემბერს შეიყვანეს, სადაც მას გადაუდებელი ოპერაცია ჩაუტარდა და მართვით სუნთქვაზე იმყოფებოდა. იმავე დღესვე ოჯახის მოთხოვნით თბილისში გადაიყვანეს, თუმცა, მისი გადარჩენა ვერ მოხერხდა

წინა სტატიაგიორგი ვაშაძეს COVID-19 არ დაუდასტურდა
შემდეგი სტატიაკორონავირუსი ენგურჰესის კიდევ 9 თანამშრომელს დაუდასტურდა
ტელეკომპანია ოდიშის საინფორმაციო სამსახური