სისხლიანი დაპირისპირება ზუგდიდში, რომლის დროსაც შუახნის მამაკაცს თავის არეში სასიკვდილო ჭრილობა მიაყენეს, მსხვერპლით დასრულდა. დაშავებული ზუგდიდის რეფერალურ ჰოსპიტალში 9 სექტემბერს შეიყვანეს, სადაც მას გადაუდებელი ოპერაცია ჩაუტარდა და მართვით სუნთქვაზე იმყოფებოდა. ოჯახის მოთხოვნით, პაციენტი თბილისში გადაიყვანეს, თუმცა, მისი გადარჩენა ვერ მოხერხდა. “ოდიშინიუსს” ოჯახის ახლობელმა პაციენტის გარდაცვალება დაუდასტურა.
არსებული ინფორმაციით, დაპირისპირება ზუგდიდში ერთ-ერთ თხილის ქარხანასთან მოხდა. ინციდენტში რამდენიმე ადამიანი მონაწილეობდა, ბოლო პერიოდში ქვეყანაში სისხლიანი დაპირისპირების, ქურდობისა და ყაჩაღობის ფაქტებმა იმატა და ეს პირველი შემთხვევა არ არის არც რეგიონში.
შსს-ს ინფორმაციით, ჯგუფური ძალადობის ფაქტზე გამოძიება სისხლის სამართლის კოდექსის 126-ე მუხლის პირველი პრიმა ნაწილის “ბ” ქვეპუნქტით მინდინარეობს. აღნიშნულ საქმესთან დაკავშირებით დაკავებულია ინციდენტში მონაწილე ორი პირი .