აფხაზეთის დე ფაქტო უშიშროების საბჭოს მდივნის, სერგეი შამბას განცხადებით, ოკუპირებული რეგიონის დე ფაქტო პრეზიდენტმა, ასლან ბჟანიამ იცოდა, რომ მისი თანაშემწე ლაშა საქანია პატრიოტთა ალიანსის ლიდერებს ხვდებოდა. ინფორმაციას ამის შესახებ აფხაზური მედიის ფლაგმანი ,,ნუჟნაია გაზეტა” აქვეყნებს.
ამ საკითხთან დაკავშირებით შამბამ ომის ვეტერანების ორგანიზაცია არუაას წევრებთან შეხვედრაზე ისაუბრა. ეს ორგანიზაცია საქანიას და ალიანსის ლიდერების შეხვედრის სესახებ ინფორმაციის გავრცელების პირველივე საათებიდან მოითხოვს საქანიას თანამდებობიდან გათავისუფლებას .
შამბას ინფორმაციით, ბჟანია დე ფაქტო პარლამენტის დეპუტატებს ზეგ, 27 აგვისტოს შეხვდება და განმარტებებს გააკეთებს. .
დღეს აფხაზეთის დე ფაქტო პრეზიდენტის წარმომადგენელმა საქანია გააკეტა განცხადება, რომ საკუთარი გადაწყვეტილებთ მიდის თანამდებობიდან , მან დაადასტურა, რომ ოკუპირებულ რეგიონში პატრიოტთა ალიანსის ლიდერებს შეხვდა. მისი თქმით, აგვისტოს დასაწყისში მეგობრები დაუკავშირდნენ რუსეთის ფედერაციიდან, რომლებმაც სთხოვეს დახმარებოდა დავით თარხან-მოურავს, რომელსაც სურდა, ილორის ეკლესიისთვის ღვთისმშობლის ხატი გადაეცა. საყანიას თქმით, ამ თხოვნას “ჰუმანიტარული მიზნებით” დათანხმდა.