მსოფლიოში, კორონავირუსის დადასტურებული შემთხვევების რაოდენობამ 17 მილიონს გადააჭარბა და 17 195 462-ს შეადგენს. დაავადებულთა რაოდენობით პირველ სამეულში აშშ ლიდერობს 4,5 მილიონი ინფიცირებულით, მეორე ადგილზეა ბრაზილია, სადაც 2,4 მილიონი ადამიანია კოვიდ 19-ით დაავადებული, მესამე ადგილზე კი ინდოეთია 1,5 მილიონი ინფიცირებულით.

ამ დროისთვის, ინფიცირებულია 5 819 000 პირი, საიდანაც 66 385 კრიტიკულ მდგომარეობაშია, ხოლო გამოჯანმრთელდა 10 706 145 ადამიანი. გარდაიცვალა 670 317 პაციენტი. 

მსოფლიოში, ახალი კორონავირუსის პირველი დადასტურებული შემთხვევა, ჩინეთში, 2019 წლის 31 დეკემბერს, საქართველოში კი უკვე 2020 წლის 26 თებერვალს დაფიქსირდა. 

დღეს, 30 ივლისს Stopcov.ge-ს მონაცემების მიხედვით, საქართველოში კორონავირუსით ინფიცირების 5 ახალი შემთხვევა გამოვლინდა და 6 ადამიანი გამოჯანმრთელდა.