სოხუმში, ერთ-ერთი საწარმოს მიერ ნაქირავებ ტერიტორიაზე სხვადასხვა კალიბრის 2 637 430 ტყვია აღმოაჩინეს. ამის შესახებ სააგენტო „აფსნიპირესი“ წერს აფხაზეთის დე ფაქტო შსს-ზე დაყრდნობით.
რუსეთის მიერ ოკუპირებული რეგიონის ე.წ. შსს-ში აცხადებენ, რომ სამართალდამცავებმა საწარმო KASKAD-M-ის მიერ იჯარით აღებულ ტერიტორიაზე “ოპერატიული ინფორმაციის” საფუძველზე გამოიკვლიეს მეტალის სატვირთო კონტეინერები, სადაც ხის ყუთებში შენახული ტყვიები იპოვეს.
დე ფაქტო შსს-ს ცნობითვე, ტყვიები ექსპერტიზისთვის გაიგზავნა და მიმდინარეობს შემოწმება, რომლის შედეგების მიხედვით მიღებული იქნება „პროცესუალური გადაწყვეტილება“.
კომპანიის ვებსაიტის მიხედვით, KASKAD-M სამშენებლო მასალებით ვაჭრობს.