სამეგრელოდან გატაცებული 3 მოქალაქე, მიხეილ და მათე ლამანძიები, ბუთხუზ კვირკვია გათავისუფლებულები არიან – ოკუპანტების ტყვეობაში რჩებიან – გენადი ბესტაევი, ხვიჩა მღებრიშვილი და ზაზა გახელაძე.
შეგახსენებთ, რომ საქართველოს კონტროლირებადი ტერიტორიიდან რუსმა ოკუპანტებმა მიხეილ და მათე ლამანძიები, ბუთხუზ კვირკვია და ტატო ზარქუა შვიდ ივნისსა და სამ ივლისს გაიტაცეს, მათ ორიდან ოთხ წლამდე პატიმრობა ემუქრებოდათ.
აფხაზეთის საოკუპაციო რეჟიმის მიერ გათავისუფლებული საქართველოს სამი მოქალაქე აცხადებს, რომ ოკუპანტებმა ისინი ქართული მხარის მიერ კონტროლირებად ტერიტორიაზე დააკავეს. მათი თქმით, დღეს გალში გაიმართა მათი სასამართლო პროცესი და ჯარიმის გადახდის შემდეგ გაათავისუფლეს.
1990 წელს დაბადებული ბუთხუზ კვირკვია, 1987 წელს დაბადებული მიხეილ ლამანძია და 1992 წელს დაბადებული მათე ლამანძია ე.წ. საზღვრის „უკანონო გადაკვეთისთვის“ იყვნენ დაკავებული.
სამივე მათგანის წინააღმდეგ აღძრული იყო ე.წ. სისხლის სამართლის საქმე.
საქართველოს სამი მოქალაქე 7 ივნისს დააკავეს.