პანკისში მომხდარი ფიზიკური დაპირისპირების შედეგად მალხაზ მაჩალიკაშვილის ძმა სცემეს

0
461

პანკისში მომხდარი ფიზიკური დაპირისპირების შედეგად ნაცემია ერთი ახალგაზრდა და მალხაზ მაჩალიკაშვილის ძმა, რომელიც ინციდენტის შემდეგ ხეობაში გადაადგილებას ცდილობდა. ნაცემ ახალგაზრდას ტვინის შერყევა აქვს და საავადმყოფოში გადაყვანილი.

რაც შეეხება კონფლიქტს. სოფელ დუისში ეთნიკურად ქისტებსა და სოფელ მატანში მცხოვრებ ახალგაზრდებს შორის ფიზიკური დაპირისპირება მოხდა.

სოფელ მატანში დღეს ახალგაზრდები შეიკრიბნენ და პანკისელებისგან ბოდიშის მოხდას მოითხოვდნენ, წინააღმდეგ შემთხვევაში კი საავტომობილო გზის გადაკეტვით იმუქრებოდნენ. ადგილზე იმყოფებოდა პოლიციაც.

აქცია ამ დროისათვის დასრულებულია, დაპირისპირებული მხარეები კი მოლაპარაკების რეჟიმში გადადიან.

ადგილობრივი ოპოზიცია ხეობაში გაბატონებულ დაუსჯელობის სინდრომზე საუბრობს. მწვავე კონფლიქტის მიუხედავად, დღეს ადგილზე ადგილობრივი ხელისუფლების წარმომადგენლები არ გამოჩენილან. 

წყარო: მთავარი არხი

წინა სტატიარუსთავი-თბილისის მაგისტრალზე საგამოძიებო მოქმედებები მიმდინარეობს
შემდეგი სტატიასამეგრელოდან გატაცებული 3 მოქალაქე გათავისუფლებულია
ტელეკომპანია ოდიშის საინფორმაციო სამსახური