,,თუ ვინმე, უსინდისობის ნაწილში რეპუტაციულად შეედრება გიორგი ბოკერიას, ეს გიორგი ვაშაძეა”- აცხადებს ირაკლი კობახიძე ოპოზიციის ლიდერებთან დაკავშირებით.
„მე მგონია, რომ თბილისში 8-ვე მაჟორიტარმა პირველივე ტურში უნდა გაიმარჯვოს არჩევნებში. გამომდინარე მძიმე სურათიდან. შემძრა სურათმა, რაც არის ქართულ ოპოზიციურ სპექტრში. წარმოუდგენელი სახელები და გვარებია, გინდა კვალიფიკაცია აიღეთ და გინდა სხვა ელემენტები მათი რეპუტაციის. მძიმე სურათია ძალიან ოპოზიციაში“, – განაცხადა „ქართული ოცნების“ აღმასრულებელმა მდივანმა ირაკლი კობახიძემ „პალიტრანიუსის“ გადაცემა „360 გრადუსში“ ისაუბრა.
წამყვანის კითხვაზე, სად ხედავს მძიმე სურათს და რას იტყვის მაგალითად, გიორგი ვაშაძე სთან დაკავშირებით, რომელსაც კვლევებით საკმაოდ მაღალი რეიტინგი აქვს, კობახიძე პასუხობს, რომ რეპუტაციულად ვაშაძე დაზიანებულია და ამ მხრივ მას გიორგი ბოკერიასს შეადარებდა.
„მათ შორის, გიორგი ვაშაძე თუ ვინმე შეიძლება, უსინდისობის ნაწილში რეპუტაციულად შევადარო ბოკერია და ვაშაძე შეიძლება, ერთად დავაყენო. ძალიან მძიმეა თავისი დამოკიდებულებით სინდისის მიმართ“, – განაცხადა კობახიძემ.