გასულ თვეში მთელი ქვეყნის მასშტაბით გადახდილმა საშემოსავლო გადასახადმა ჯამურად 197 მილიონი ლარი შეადგინა. იგივე მაჩვენებელი 2019 წლის ივნისში 238 მილიონ ლარს გაუტოლდა, კლება 17%-ს შეადგენს.

ამგვარად გამოდის, რომ წლიურ გამოსახვაში ქვეყანაში გაცემული ხელფასები 207 მილიონი ლარით შემცირდა. ეკონომიკური ვარდნის გარდა, ამ სტატისტიკაზე აისახა საგადასახადო შეღავათი, რომელიც მთავრობამ ბოლო პერიოდში დააწესა – კერძოდ 750 ლარამდე ხელფასების სრული გათავისუფლება გადასახადისგან და 1 500 ლარამდე ხელფასის ნაწილობრივ გათავისუფლება. 

საშემოსავლო გადასახადის მარჟა 20%-ს შეადგენს და მას უმთავრესად დაქირავებით დასაქმებულები იხდიან. გაცემული ხელფასების შემცირებაზე მეტყველებს უმუშევრობის კომპენსაციის რაოდენობაც – კერძოდ, 200 ლარიანი სახელმწიფო კომპენსაციით, რომელიც დაქირავებით დასაქმებულებზე იყო გათვლილი იყო 220 ათასმა მეტმა პირმა ისარგებლა.

გასულ თვეში თითქმის 38 მილიონი ლარით შემცირდა გადახდილი დღგ-ს ოდენობა, 42  მილიონი ლარით შემცირდა გადახდილი მოგების გადასახადის მოცულებაც.