ჯანდაცვის მინისტრის მოადგილის თამარ გაბუნიას თქმით, სკოლებისგან განსხვავებით, სადაც შერეული მოდელით სწავლის განახლების საკითხს განიხილავენ, ეს მექანიზმი ვერ იმოქმედებს საბავშვო ბაღების შემთხვევაში. ამოტომაც მაქსიმალური სიფრთხილის ზომებია საჭირო.
“როდესაც სწავლა დაიწყება, ბაღებთან დაკავშირებითაც რეკომენდაციები არის იგივე, ზოგადი, რაც ყველა შემთხვევაში გვაქვს. რა თქმა უნდა, საბავშვო ბაღებში ონლაინ მექანიზმს ვერ გამოვიყენებთ, მაგრამ მაქსიმალური სიფრთხილე გვმართებს იქ, სადაც ბაღი იქნება განთავსებული. ამდენად, აქაც არის ის მექანიზმები, რაზეც ვიცით, რომ ვმუშაობთ – ინფექციის კონტროლის ზოგადი წესები”, – განმარტა მინისტრის მოადგილემ.
შეგახსენებთ, მინისტრის მოადგილის თქმით, სკოლებში შესაძლოა სასწავლო წელი შერეული მექანიზმით წარიმართოს და ძალაში დარჩეს ონლაინსწავლებაც.