არაა ეს სახელმწიფო, ამისთვის არ ქირაობს ხალხი მთავრობას! – ელენე ხოშტარია პასუხობს მამუკა მდინარაძის განცხადებას გიორგი შაქარაშვილის საქმის შესახებ

0
421

ქუჩაში ჩხუბი, ახალგაზრდებს შორის რაღაცა შეხლა-შემოხლა ყოველთვის იქნება. პრობლემა იქნება, დანაშაულიც იქნება. კაცობრიობის პრობლემაა დანაშაული, ზოგადად და ჩვენ ახლა ვსვამთ შეკითხვებს, რომ კაცობრიობის პრობლემებთან დაკავშირებით, ზოგადსაკაცობრიო პრობლემებთან დაკავშირებით, უფრო ზუსტად, რატომ ვერ ხდება რაღაცების მოგვარება. ხდება. ჩვენ გვახსოვს, რომ ათი წლის წინ გაცილებით უარესი სიტუაცია იყო, ვიდრე დღეს არის. ოცი წლის წინ გაცილებით უარესი სიტუაცია იყო, ვიდრე ათი წლის წინ და ასე, დინამიკაში ჩვენ ვვითარდებით. – განაცხადა საპარლამენტო უმრავლესობის ლიდერმა მამუკა მდინარაძე გიორგი შაქარაშვილის საქმეზე ლაპარაკისას

ევროპული საქართველოს ერთ-ერთი წევრი ელენე ხოშტარია ასე გამოეხმაურა მამუკა მდინარაძის ამ განცხადებას:

,,მდინარაძის განცხადება, რომ თურმე მკვლელობები ხდება, წარმოუდგენელ უგულობასთან ერთად, სისტემური პრობლემის ნათელი მაგალითია. ჯერ ბიძინა იძახდა კრიმინალი ყველგან ხდებაო. ანუ მმართველი გუნდი კრიმინალს ეუბნება, ნორმაა, რასაც შვებიო. ესაა კრიმინალის აღქმა. კრიმინალი რომ ხდება, ყველამ ვიცით, მაგრამ მთავრობისგან მისი აღკვეთა გვინდა და არა მასთან შეგუება. მაგისთვის გიქირავეთ.

ხორავას გამოძიებაზე რაც მოხდა, ეგეც მეორე კრიმინალის წამახალისებელი ქმედება სახელმწიფოსგან. მდინარაძე პირადად და ეს გუნდი მთელი ძალით “მასტავდენ” სისტემას მიჩქმალვაში. ესეც სახელმწიფოს პოზიცია, დალაგება იზ ველქომ.

16 წლის ბიჭზე პოლიციამ იძალადა, მერე თქვა, არაფერია გამოსაძიებელიო და უბნის კრიმინალები მიუგზავნა დალაგდიო. ესეც ალიანსი პოლიციად წოდებულ კრიმინალებსა და ქუჩას შორის. აღარაფერს ვამბობ არჩევნებზე და ვასაძის აქციებზე მათ გამოყენებაზე.

ზედ ალუბალი, სუსი “საბოტაჟს” იძიებს. არაა ეს სახელმწიფო, ამისთვის არ ქირაობს ხალხი მთავრობას! და ძალიან მზარდად საშიშია ეს ყველაფერი

წინა სტატიადასასრულის დასაწყისი: თითქმის შვიდთვიანი გაუჩინარების შემდეგ ბიძინა ივანიშვილი ქუთაისში გამოჩნდა, მაგრამ …ადამიანებს და კამერებს დაემალა!
შემდეგი სტატიაიტალიაში გარდაცვლილი ემიგრანტის ცხედარი, რომელიც გადმოსვენების დროს დაიკარგა, ნაპოვნია
ტელეკომპანია ოდიშის საინფორმაციო სამსახური