რუსეთის მიერ ოკუპირებული აფხაზეთის დე ფაქტო პრეზიდენტი მოსკოვში იმყოფება. ასლან ბჟანიაპრესსამსახურის ინფორმაციით, იგი კრემლში რუსეთის პრზიდენტს ვლადიმირ პუტინს შეხვდა.
ასლან ბჟანიამ, რომელიც ვლადიმირ პუტინმა მოსკოვში მიიწვია დიდ სამამულო ომში გამარჯვების 75-ე წლისთავისადმი მიძღვნილ აღლუმზე, პუტინს აფხაზი ხალხის სახელით მიულოცა და მიწვევისთვის მადლობა გადაუხადა.
კორონავირუსის პანდემიის გამო 9 მაისიდან 24 ივნისს გადატანილ სამხედრო აღლუმს პუტინის მიწვევით ესწრება საქართველოს მეორე ოკუპირებული რეგიონის – ე.წ. სამხრეთ ოსეთის დე ფაქტო პრეზიდენტი ანატოლი ბიბილოვიც.
მოსკოვში ჩავიდნენ ყაზახეთის, ყირგიზეთის, ტაჯიკეთის, უზბეკეთის, მოლდოვის და სერბიის პრეზიდენტებიც.