შსს-ის ცნობით, გუშინ ღამით ჩოხატაურის მუნიციპალიტეტის ცენტრში, სავარაუდოდ, აფეთქება მოხდა. ჩამსხვრეულია მინები და განადგურებულია ინფრასტრუქტურის ნაწილი.
უწყება დამატებით დეტალებზე არ საუბრობს. მაგრამ ადგილობრივ მოსახლეობას აქვს მომხდარის თავისი ახსნა. ისინიამბობენ, რომ ბოლო პერიოდში ცენტრის დაზიანების მესამე შემთხვევაა – ბოროტგანმზრახველები ამ გზით ცდილობენ გაიტანონ შენობიდან ბანკომატის აპარატი. პირველ ორ შემთხვევაში მათ ეს ვერ მოახერხეს, მაგრამ ამჯერად ეს შეძლეს.
არიან ისეთებიც, რომელნიც მსგავს შემთხვევებს ხსნიან იმით, რომ ხალხს შია, პურის ფული არა აქვს და იძულებულია დანაშაულზე წავიდეს. ამდენად მათი ასეთი ქმედება უკავშირდება ხელისუფლების გულგრილობას დამშეული მოსახლეობის პრობლემებისადმი.
საქმეზე დაწყებულია ინტენსიური გამოძიება. გამოძიება სისხლის სამართლის კოდექსის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.