გალის რაიონის სოფელ ნაბაკევში, რომელიც ზუგდიდის მუნიციპალიტეტის სოფელ ხურჩას ესაზღვრება, აფხაზეთში რუსი სამხედროები სასაზღვრო ღობეების დაზიანებულ ნაწილებს ცვლიან.
ბოძები ჯერ კიდევ 5 დღის წინ მიიტანეს, შემდეგ აღარ გამოჩენილან და სამუშაოები მხოლოდ ახლა განაახლეს. ოკუპირებულ ნაბაკევში ორმოებსაც თხრიან, რათა ე.წ. საზღვარზე გადასვლა აღკვეთონ.
გასულ კვირაში საოკუპაციო ძალებმა ე.წ. სასაზღვრო ღობეების განახლება დაიწყეს გალის რაიონის სოფელ საბერიოსთანაც, რომელიც წალენჯიხის მუნიციპალიტეტის სოფელ ფახულანს ესაზღვრება.