,,ამ პროკურორებს ავიწყდებათ, რომ სტატუსი ავალდებულებთ ეთიკურად მოიქცნენ სასამართლოს სხდომათ დარბაზში” – ინციდენტი გიორგი რურუას პროცესზე

0
87

,,მთავარი არხის” ერთ-ერთი დამფუნებლის გიორგი რურუას სასამართლო პროცესზე მცირე ინციდენტი მოხდა.

ადვოკატ დიტო საძაგლიშვილის ინფორმაციით, ერთ-ერთმა პროკურორმა დაცვის მხარისა და ბრალდებულის მისამართით ყვირილი დაიწყო.

„პროკურორი აგრესიულად განწყობილი იყო, იუზრდელა, დაგვიწყო ყვირილი დაცვის მხარეს და ბრალდებულს და ამას მოჰყვა სიტუაციის ოდნავ გამწვავება სასამართლოს სხდომის დარბაზში.

უბრალოდ ამ პროკურორებს ავიწყდებათ, რომ ჯერ ისედაც მათი სტატუსი ავალდებულებს, რომ ეთიკურად და ზრდილობიანაც მოიქცნენ სასამართლოს სხდომის დარბაზში და მით უმეტს, ისეთ საქმეზე, სადაც პოლიციელებს ჩადებული აქვთ ცეცხლსასროლი იარაღი და ტყუილად ზის გიორგი რურუა ციხეში. თავად ეს პროკურორებიც არანაკლებ დანაშაულს ჩადიან იმ პოლიციელებზე, რომლებმაც ცეცხლსასროლი იარაღი ჩაუდეს გიორგის. მათი მხრიდან აგრესიულობა არის უტიფრობა და მეტი არაფერი.

ეს იყო სიტუაციის გამწვავების მიზეზი, მაგრამ ეს პრობლემა აღმოიფხვრა, მოგვარდა და ვაგრძელებთ ჩვეულებრივად სასამართლო განხილვას. გინებას ადგილი არ ჰქონია, იყო უბრალოდ ხმამაღალი საუბარი, რაც დაწყებული იყო პროკურორის მიერ და მალევე განიმუხტა სიტუაცია”, – განაცხადა ადვოკატმა.

მისივე ინფორმაციით, დღევანდელ პროცესზე ბრალდების მხარის მოწმეები დაიკითხნენ.

კომენტარის დატოვება

Please enter your comment!
Please enter your name here