დროა ოპოზიცია გამოვიდეს თვითიზოლაციიდან და ქვეყანა საღათას ძილიდან გამოიყვანოს. ჩვენი ამოცანაა, დროულად გამოვიყვანოთ ივანიშვილის ხელისუფლება კომფორტის ზონიდან და დავაბრუნოთ პოლიტიკურ კარანტინში, რადგან ესაა დღევანდელი საქართველოს მთავარი პოლიტიკური გამოწვევა“ – წერს როვნულ-დემოკრატიული პარტიის თავმჯდომარე ბაჩუკი ქარდავა ფეისბუქის გვერდზე
იგიქვეყანაში მოქმედ კარანტინს და მდგომარეობის ვადის გაგრძელებას ძალაუფლების შენარჩუნებისთვის ბრძოლას უწოდებს და ამბობს, რომ მინიმუმ დღეს არ დგას იმის საჭიროება, რომ ქვეყანა სრულად კარანტინის რეჟიმში იმყოფებოდეს. გაერთიანებული ოპოზიციის ერთ-ერთი ლიდერი აცხადებს, რომ დროა, ოპოზიცია გამოვიდეს „თვითიზოლაციის რეჟიმიდან“, რადგან ივანიშვილის ხელისუფლებას თუ გაუვა, „ამ რეჟიმს არჩევნებამდე მიათრევენ“.
„ხელისუფლება დღეს გადაჭარბებული შეზღუდვებით საღათას ძილის რეჟიმში ამყოფებს ქვეყანას, მიუხედავად იმისა, რომ ამის საჭიროება, მინიმუმ დღეს, აღარ დგას. უვადოდ გაგრძელებული კარანტინი და საგანგებო მდგომარეობა, არა ვირუსთან, არამედ ძალაუფლების შენარჩუნებისთვის ბრძოლად იქცა. თუ მათ ეს გაუვათ, ამ რეჟიმს არჩევნებამდე მიათრევენ.
ქვეყანას წინ ძალიან ბევრი განსაცდელი ელოდება ქართული ოცნების უგუნური გადაწყვეტილების გამო.