ქუთაისის ცხელების ცენტრში ოკუპირებული აფხაზეთიდან, კატასტროფის ბრიგადის მიერ შემოყვანილი 32 წლის ქალის ლაბორატორიული კვლევის შედეგებს ელოდებიან.

კლინიკის ხელმძღვანელის, მამუქა მიქაძის თქმით, დაახლოებით 30-31 კვირის ორსული კლინიკაში კორონავირუსის სიმპტომებით მძიმე მდგომარეობაში შემოვიდა და ექიმების მცდელობის მიუხედავად, მისთვის საკეისრო კვეთის ჩატარება აუცილებელი გახდა. ახალშობილი 1.2 კგ დაიბადა. ამ დროისათვის, პაციენტი რეანიმაციაში, ბოქსირებულ განყოფილებაშია მოთავსებული, ხოლო ახალშობილი ბავშვთა რეანიმაციაში იმყოფება.  

„აფხაზეთიდან კატასტროფის სამსახურის მიერ გადმოყვანილია 32 წლის ქალი, 30 ან 31 კვირის ორსული. მძიმე ნეფროპატიით, უმართავი ჰიპერტენზიული სინდრომით. მიუხედავად ჩატარებული თერაპირული ღონისძიებებისა, იძულებული გავხდით, ჩაგვეტარებინა საკეისრო კვეთა. ეპიდანამნეზი იყო გაურკვეველი, კოვიდზე შეუმოწმებელი. ველოდებით პასუხს კოვიდინფექციაზე“, – თქვა მამუკა მიქაძემ. 

ამ დროისთვის ქუთაისში, “კლინიკა ბომონდი”-ს ცხელების ცენტრში კორონავირუსით ინფიცირებული 19 პაციენტი მკურნალობს.  5 საეჭვო პაციენტის ლაბორატორიული კვლევის შედეგებს კი ელოდებიან.ბოლო მონაცემებით, საქართველოში კორონავირუსით ინფიცირების 539 შემთხვევაა დადასტურებული. მათგან 178 ადამიანი გამოჯანმრთელდა, 6 პაციენტი გარდაიცვალა.