თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, 22 ახალი შემთხვევიდან უმრავლესობა, 15 თეთრიწყაროს კლასტერს უკავშირდება, 3 სვანეთის, ხოლო 4 – ბოლნისის.როგორც ეზუგბაიამ ჟურნალისტებს განუცხადა, 22 ახალი შემთხვევიდან ინფექციურში 4-ია მოთავსებული და ისინი საშუალო სიმძიმის პაციენტებად ფასდებიან.

„24 საათში დაგვემატა 22 ახალი შემთხვევა და გვაქვს 539 დადასტურებული შემთხვევა, გამოჯანმრთელებული დაგვემატა 10 და გახდა 178. 22 ახალი შემთხვევიდან 15 არის თეთრიწყაროს კლასტერიდან, სვანეთიდან არის 3 და დანარჩენი არის ბოლნისი. ჩვენ დღე-ღამის განმავლობაში 4 დადასტურებული შემთხვევა შემოგვემატა და ამჟამად გვყავს 43.

ჩვენგან გაეწერა 3 პაციენტი და ახლა გვყავს 65 გამოჯანმრთელებული.

ეს 4 ახალი პაციენტი, ჯერჯერობით, საშუალო სიმძიმის პაციენტებად ფასდება, მაგრამ ახლა გაფართოებული კვლევებითა და რადიოლოგიური მონაცემების შეჯერებით, ასევე, დინამიკაში კლინიკა როგორ გავნითარდება, შეგვიძლია ვთქვათ ხვალისთვის, მათი მდგომარეობა დარჩება უცვლელი, პროგრესირებას განიცდის თუ არა” – განაცხადა ეზუგბაიამ.