“საქართველოს პატრიარქმა ილია მეორემ სამების ტაძარში საკვირაო ქადაგებისას მრევლს კვირაცხოვლობა მიულოცა.
ჩვენ ვცხოვრობთ ურთულეს დროს, როცა ეკლესია არის დიდ გასაჭირში, მაგრამ ბჭენი ჯოჯოხეთისანი ვერ მოერევიან მას. დღეს იყო წაკითხული სახარება: უფალი ჩვენი იესო ქრისტე შევიდა მოციქულებთან კარდახშულთა. ე.ი კარი დაკეტილი იყო და იმ დაკეტილ კარში შევიდა მაცხოვარი და უთხრა მათ, მშვიდობა თქვენდა და მიიღეთ სული წმინდა. აი, უფალი ჩვენც მოგვმართავს მიიღეთ სული, მზად უნდა ვიყოთ სულიწმინდის მისაღებად…. ჩვენ ვცხოვრობთ ისეთ დროს, როცა უფალი ახლოსაა ჩვენთან. უფალი ჩვენთანაა და მადლობას ვწირავთ მას. ”
მინდა დავლოცო ჩვენი ხელისუფლება, ჩვენი სამღვდელოება, ჩვენი ხალხი. ყველაფერს აკეთებენ იმისათვის, რომ უფალი ჩვენთან იყოს, – ამის შესახებ საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში წირვის დასრულების შემდეგ ბრძანა.
როგორც პატრიარქმა აღნიშნა, სხვაგან ამისი საშუალება არ არის.
„ჩვენ ვმადლობთ უფალს, რომ უფალი გვაძლევს ჩვენ საშუალებას წირვა-ლოცვისა. მე მინდა დავლოცო ჩვენი ხელისუფლება, ჩვენი სამღვდელოება, ჩვენი ხალხი. ყველაფერს აკეთებენ იმისათვის, რომ უფალი ჩვენთან იყოს. სხვაგან არ არის ამისი საშუალება. კიდევ მნიშვნელოვანი არის იმით კვირაცხოვლობა, რომ კვირაცხოვლობის დღეს მსოფლიო პატრიარქმა გადმოგვცა ჩვენ სიგელი, რომ ის ცნობს საქართველოს ეკლესიის ავტოკეფალიას. მე მინდა მადლობა შევსწირო უფალს და მსოფლიო პატრიარქს, კონსტანტინეპოლის ეკლესიას ამ დიდი წყალობისათვის. ღმერთმა დაგლოცოთ, გაგახაროთ, კვირაცხოვლობის მადლი შეგეწიოთ. თქვენ დაგირიგდებათ არტოსი, ეს წმინდა პური და გაუფრთხილდით, წლის განმავლობაში უნდა მიიღოთ“, – განაცხადა პატრიარქმა
საქართველოს პატრიარქი, ილია მეორე საკვირაო ქადაგებისას, სამების ტაძარში.
26 აპრილი, 2020