ოკუპირებულ აფხაზეთში კორონავირუსით 95 წლის ქალი გარდაიცვალა. ინფორმაციას აფხაზური მედია კორონავირუსისგან მოსახლეობის დაცვის ე.წ. ოპერატიულ შტაბზე დაყრდნობით ავრცელებს. მათივე ცნობით, გარდაცვლილ ქალს კოვიდ ინფექციასთან ერთად მრავალი ქრონიკული დაავადება ჰქონდა.
COVID-19-ის დიაგნოზი ოკუპირებულ აფხაზეთში ასაკოვან ქალს 11 აპრილს დაუსვეს, თუმცა ადგილობრივი ექიმების განცხადებით, პაციენტი ერთი კვირის განმავლობაში ჰოსპიტალიზაციაზე უარს აცხადებდა და საავადმყოფოში მისი გადაყვანა მხოლოდ 20 აპრილს, მდგომარეობის უკიდურესად გართულების შემდეგ განხორციელდა.
ოკუპირებულ აფხაზეთში “კოვიდ-19”-ით ინფიცირებული 95 წლის პაციენტი დღეს დილით გარდაიცვალა.