ზუგდიდისა და ცაიშის მიტროპოლიტის მეუფე გერასიმეს განცხადებით, ზიარების წესი არ შეიცვლება და ამაში კორონავირუსის გავრცელების საფრთხეს ვერ ხედავს.
კვირაცხოვლობის წირვის შემდეგ ჟურნალისტების კითხვის საპასუხოდ მეუფემ განმარტა, რომ არცერთ სხვა ეკლესიას, გარდა რუსეთისა, ზიარების წესი არ შეუცვლია და ამას არც საქართველოს საპატრიარქო განიხილავს.
“ხედავთ, რომ მრევლი მოდის და ეზიარება. ნუთუ მსოფლიო საპატრიარქო, ჩვენზე მრავალრიცხოვანი ეკლესიები ვერ ხედავენ საფრთხეს, როცა არ ცვლიან წესს? ჩვენც რომ რუსეთის მსგავსად შეგვეცვალა, იტყოდნენ, რუსეთის ჭკუაზე დადიანო. ვერ ვხედავთ საფრთხეს და არ განიხილება ეს საკითხი,” – აღნიშნა მეუფე გერასიმემ.
კვირაცხოვლობის დღესასწაულთან დაკავშირებით მეუფე გერასიმემ მრევლს პასკა და წითელი კვერცხი დაურიგა. ტაძარში მრევლის წევრები დისტანციით იდგნენ.