საქართველოში კორონავიორუსით კიდევ ერთი პაციენტი გარდაიცვალა. გარდაცვლილი 83 წლის იყო და ჰქონდა ქრონიკული პათოლოგიები.
“სამწუხაროდ, დღეს დაფიქსირდა ბიოლოგიური სიკვდილი. ასაკით ბატონი გახლდათ 83 წლის. ქრონიკული პათოლოგიებით. ანამნეზში იყო გულის უკმარისობა, მოციმციმე არითმია. მიუხედავად ჩატარებული ღონისძიებებისა, აღმოჩნდა უშედეგო და დაფიქსირდა ბიოლოგიური სიკვდილი,” – განაცხადა ლევან რატიანმა.
ამ ეტაპზე, საქართველოში COVID-19-ით სულ 6 პაციენტია გარდაცვლილი. ინფიცირებულთა რაოდენობა კი 485-მდე გაიზრდა. მათ შორის გამოჯანმრთელებულია 139.