გახარიას თქმით, სოციალურად დაუცველ მოქალაქეები, რომელთა სარეიტინგო ქულა არის 65 000-სა და 100 ათასს შორის, 6 თვის განმავლობაში 600 ლარს, ანუ თვეში 100 ლარს მიიღებს.

მისი განცხადებით, ეს დახმარება 70 ათას ოჯახს – 190 ათას მოქალაქეს შეეხება.

გარდა ამისა, გახარიას თქმით, ოჯახები, რომელთა სოციალური სარეიტინგო ქულა არის 0-დან 100 ათასამდე და ჰყავთ 3 ან მეტი, 16 წლამდე ასაკის შვილი, რაც ნიშნავს მრავალშვილიან ოჯახებს, 6 თვის განმავლობაში ასევე თვეში 100 ლარს მიიღებენ.

ასეთი ოჯახების რაოდენობა 21 000 ოჯახია, მოიცავს 121 ათას მოქალაქეს.

რაც შეეხება შეზღუდული შესაძლებლობების მქონე პირებს და ბავშვებს – 6 თვის განმავლობაში ისინიც თვეში 100 ლარს მიიღებენ.