თბილისში, მიხეილ სააკაშვილის საპრეზიდენტო ბიბლიოთეკაში ხანძარი გაჩნდა.
ხანძარი ამ დროისთვის უკვე ლოკალიზებულია. ადგილზე 4 სამაშველო-სახანძრო ბრიგადა მუშაობდა.
ხანძრის შედეგად არავინ დაშავებულა. დამწვარია საკონფერენციო დარბაზი, რომელიც პირველ სართულზე 15 კვადრატულ მეტრ ფართობზეა განლაგებული და საოფისე ინვენტარი.
ხანძრის მიზეზები უცნობია. ბიბლიოთეკის თანამშრომლები ამბობენ, რომ საკონფერენციო დარბაზი, ისევე როგორც მთელი ბიბლიოთეკა ათი დღეა არ ფუნქციონირებს და ჩაკეტილია კოვიდ 19 გავრცელების საშიშროებასთან დაკავშირებით. ამჟამად მიმდინარეობს ვიდეოჩანაწერების ამოღება და გაშიფვრა