საქართველოში კორონავირუსით კიდევ ერთი პაციენტი გარდაიცვალა. შესაბამისი ინფორმაცია მთავრობის მიერ შექმნილ სპეციალურ ვებ-გვერდ Stopcov.ge-ზე რამდენიმე წუთის წინ აისახა. ეს საქართველოში კორონავირუსით გარდაცვალების მეოთხე შემთხვევაა.პაციენტის გარდაცვალება დღეს 21:50 საათზე დაფიქსირდა. კლინიკის რეგიონული მენეჯერის, ლევან ანთაძის ინფორმაციით, პაციენტი 8 აპრილს შეიყვანეს “მედალფაში”, გადიოდა ინტენსიური თერაპიის კურსს, 13 აპრილიდან ის მართვით სუნთქვაზე გადაიყვანეს. 

ანთაძის თქმით, ინფიცირებულს კორონავირუსის გარდა აღენიშნებოდა სხვა თანხმლები დაავადებები –  შაქრიანი დიაბეტი, გულსისსძარღტვთა უკმარისობა და მისი გადარჩენა ექიმებმა ვეღარ შეძლეს. 

მისივე ინფორმაციით, პაციენტი ქობულეთის კლასტერს უკავშირდებოდა.