საქართველოში კორონავირუსისგან 68 ადამიანი გამოჯანმრთელდა.
როგორც თბილისის ინფექციური საავადმყოფოს სამედიცინო დირექტორმა მარინა ეზუგბაიამ ჟურნალისტებს განუცხადა დღეს გამოჯანმრთლებული პაციენტი მათ კლინიკაში იყო მოთავსებული, რომელსაც განმეორებითმა ტესტმა ვირუსზე უარყოფითი პასუხი აჩვენა.
მისივე განმარტებით, ასევე დღეს საღამოსვე ტესტის პასუხს ელოდებიან 11 პაციენტთან მიმართებაში. როგორც ეზუგბაიამ აღნიშნა, დღეის მდგომარეობით საქართველოში კორონავირუსის ახალი შემთხვევა არ დაფიქსირებულა და დაინფიცირებულთა რაოდენობა კვლავ 266-ია.