ზუგდიდში მიუსაფარი ძაღლებისთვის დადგმული სახლი მოიპარეს. ამის შესახებ იდეის ავტორი და ინიციატორი, სამოქალაქო აქტივისტი დავით ლოგუა ფეისბუკის საკუთარ გვერდზე წერს.
“დღეს, მორიგი გასვლისას, #სალამიყველამაწანწალას იდეის ფარგლებში მიუსაფარი ძაღლებისთვის დადგმული სახლი აღარ დაგვხვდა. იქვე ახლოს მყოფმა ადამიანებმა გვითხრეს რომ სახლი სამი დღეა, რაც მოიპარესო. ძველი სახლისთვის ხელი არ უხლიათ, ალბათ ესთეტიურობა დაუწუნეს. ასე იქცევიან ქურდები, რომლებიც მტრობენ როგორც საზოგადოებრივ ისე კერძო სიკეთეებს.პ.ს. იმედია ქურდს გონება გაუნათდება და სახლს დანიშნულების ადგილზე დააბრუნებს.”- წერს ლოგუა.
სახლი მიუსაფარი ძაღლებისთვის მიმდინარე წლის მარტში დადგეს