“ამ ეტაპზე, სოციალური დისტანცირება ჟურნალისტებთან საკმაოდ კარგად მიმდინარეობს. აქედან გამომდინარე, ისინი ამ ეტაპზე, ამ ჯგუფში არ მოიაზრებიან”- ასე გამოეხმაურა ჯანდაცვის მინისტრი COVID-19-ის ინფექციაზე ჟურნალისტების მასობრივ ტესტირების საკითხს.
მინისტრმა ხაზგასმით აღნიშნა, რომ თუ საჭიროება დადგება, ჟურნალისტების მასობრივი ტესტირების საკითხიც განიხილება.
ცნობისთვის, ჯანდაცვის სამინისტრომ სხვადასხვა ჯგუფებისთვის COVID-19-ის ტესტირების ახალი ალგორითმები დაამტკიცა. დოკუმენტის მიხედვით ცნობილი გახდა საზოგადოების ის ჯგუფები, რომლებსაც აგრესიული ტესტირება ჩაუტარდებათ. ეს ჯგუფები არიან: პენიტენციურ დაწესებულებებში, ხანდაზმულთა სადღეღამისო სპეციალიზებულ დაწესებულებებში, სტაციონარულ ფსიქიატრიულ დაწესებულებებში მყოფი პირები, თავდაცვის ძალები და საეკლესიო პირები, მათ შორის მონასტრებში მყოფი ადამიანები.