ლენტეხში “კოვიდ 19“-ით ინფიცირების პირველი შემთხვევა დაფიქსირდა. ლენტეხში მცხოვრებ 50 წლამდე მამაკაცს კორონავირუსი დაუდასტურდა.

მამაკაცი ლენტეხის “ცხელების ცენტრში” შვიდ პრილს გადაიყვანეს. მას საეჭვო სიმპტომები ჰქონდა. ჩაუტარდა ანალიზები და წუხელ, 8 აპრილს მოვიდა დადებითი პასუხი. პაციენტის მდგომარეობა სტაბილურია. ამ ეტაპზე მსუბუქი ფორმა აღენიშნება.

ცნობილია დაინფიცირების წყაროც, მამაკაცს მისი დისგან გადაედო, რომელიც თავის მხრივ, ქმრისგან დაინფიცირდა ( ქმარი ეროვნული ბანკში მუშაობს, სავარაუდოდ ამ კლასტერს მიეკუთვნება). ასევე “ცხელების ცენტრშია”გადაყვანილი დაინფიცირებული მამაკაცის ოჯახის წევრები, მათ შორის დედა, რომელსაც მაღალი ტემპერატურა აღენიშნება.

როგორც ლენტეხის მერი ბადრი ლიპარტელიანი აცხადებს, ამ დროისთვის მიმდინარეობს კონტაქტების დადგენა. საკმაოდ ბევრია კონტაქტები, 50-ზე მეტი ამ ეტაპზე.

,, აღნიშნული შემთხვევის გამო ვფიქრობთ ლენტეხში გავამკაცრებთ ზომებს. ამ მიმართულებით ვმუშაობთ“- განაცხადა ლენტეხის მერმა

“