მთავარიUncategorizedროგორ ჩატარდეს წელს ერთიანი ეროვნული გამოცდები? - ევროპული საქართველო განათლების სამინისტროს...

როგორ ჩატარდეს წელს ერთიანი ეროვნული გამოცდები? – ევროპული საქართველო განათლების სამინისტროს გამოსავლის რამდენიმე ვარიანტს სთავაზობს

Published on

ევროპული საქართველოს დეპუტატი სერგო რატიანი მიმართავს განათლებისა და მეცნიერების მინისტრს მიხეილ ჩხენკელს, რომელმაც თქვა, რომ ახალი კორონავირუსის გავრცელების მიუხედავად, ამ ეტაპზე ეროვნული გამოცდების ჩატარების ფორმატის ან თარიღების ცვლილების საკითხი არ განიხილება. 

რატიანის თქმით, ევროპულ საქართველოში მიაჩნიათ, რომ აუცილებელია, უკვე ამ წუთიდან უნდა დაიწყოს მომზადება რთული სცენარისთვის და რომ ხელისუფლებას ოპოზიცია გამოსავლის რამდენიმე ვარიანტს სთავაზობს. 

როგორც სერგო რატიანი ამბობს, ევროპული საქართველო ფიქრობს, რომ ამ ვითარებაში აუცილებელია ერთიან ეროვნულ გამოცდებზე ჩასაბარებელი საგნის გამოცდების შემცირება და მიზანშეწყონილად მიიჩნევს, განიხილონ ერთი სავალდებულო კომბინირებული ტესტით მისაღები გამოცდების ჩატარების ვარიანტი. 

” ვგულისხმობთ არსებული საგნობრივი გამოცდების იმ ფორმით მოდელირებას, რომ ერთ სასესიო დროში აბიტურიენტებმა კომბინირებული პროგრამის შინაარსით ყველა სავალდებულო საგნის პროგრამის შინაარსის ჩაბარება შეძლონ ანუ მიმართულებების მიხედვით საგნობრივი ჯგუფების პროგრამის შინაარსის გაერთიანებას. ეს უკანასკნელი შესაბამისობაში მოვა სახელმწიფო დაფინანსების არსებულ მოდელთანაც,”- ამბობს სერგო რატიანი მიმართვაში. 

დეპუტატისვე თქმით, დროულად უნდა დაიწყოს მუშაობა და ქვეყნის მასშტაბით ყველგან, სადაც აბიტურიენტები დარეგისტრირებულები არიან, საგამოცდო ცენტრების ჩამყალიბება მოხდეს, მეტწილად კი სკოლებში. 

” სამინისტრომ უნდა დაიწყოს ამ ეტაპზე გამოცდის ჩატარების პრინციპის დამუშავება, საგამოცდო ცენტრების აღჭურვისათვის თანხის მოძიება. ჩვენ ხელთ არსებულ ინფორმაციაზე დაყრდნობით, ოთხი სასესიო საგნობრივი გამოცდის პირობებში, ერთ ცენტრში აღსაჭურვი იქნება 5-25 საგამოცდო სივრცე (უიშვიათესი შემთხვევა), რომელთა მართვა არსებული ადამიანური რესურსის პირობებშიც შესაძლებელია. ჩვენ მიერ შეთავაზებული მოდელი გულისხმობს აბიტურიენტების ინდივიდუალურად განთავსებას საგამოცდო ოთახებში, ხოლო ვიდეოთვალით აღჭურვილი თითოეული სივრცის მონიტორინგს ადგილზე შექმნილი მართვის მონიტორით,”- წერს რატიანი. 

დეპუტატისვე თქმით, აუცილებელია, რომ სკოლებმა გააგრძელონ დისტანციური სწავლების ის ფორმა, რაც დაწყებული აქვთ, მათ შორის იგულისხმება სატელევიზიო პლატფორმა “ტელესკოლაც”, თუმცა რატიანისვე თქმით, სამინისტრომ სასწრაფოდ უნდა შეიმუშავოს მიმდინარე საგანმანათლებლო პროცესის შეფასების მექანიზმები, რაც მიმდინარე პროცესის სავალდებულო და აკადემიურ ხასიათს განსაზღვრავს. 

“გამონაკლისი შემთხვევებისთვის შესაძლებელია, მოქმედი საკანონმდებლო რეგულაციების მიხედვით, გამოყენებული იყოს ექსტერნის ფორმით ზოგადი განათლების მიღების აპრობირებული მცდელობაც,”- ამბობს სერგო რატიანი. 

სიახლეები

ანრი კვარაცხელიას საქმეზე განაჩენის გამოცხადება მოსამართლემ 18 ივლისისთვის გადადო

სინდისის პატიმარს, ანრი (ანზორ) კვარაცხელიას საქმეზე განაჩენი 18 ივლისს 10:30 საათზე გამოცხადდება. ადვოკატის, ლაშა ცუცქირიძის...

კიევში СБУ-ს პოლკოვნიკი მაყუჩიანი იარაღიდან 5 გასროლით მოკლეს

უკრაინული მედიის ინფორმაციით, კიევში უკრაინის უსაფრთხოების სამსახურის პოლკოვნიკი მოკლეს - ივან ვორონიჩს კიევის გოლოსევსკის...

მიხეილ სააკაშვილი – „ლელოსთან“ შემდგომ ოპონირებას აზრი არა აქვს – სააკაშვილი

„ლელოსთან“ შემდგომ ოპონირებას აზრი არა აქვს - სინანულის გამოხატვით უნდა შემოვიფარგლოთ, - ამის შესახებ...

“ტერორი საქართველოში” – ზურაბიშვილი საბა ჯიქიას განაჩენზე

საქართველოს მეხუთე პრეზიდენტი, სალომე ზურაბიშვილი სოციალურ ქსელში სინდისის პატიმროსთვის, საბა ჯიქიასთვის პატიმრობის მისჯას ეხმიანება...