ეგრეთწოდებული აფხაზეთის ჯანდაცვისა და სოციალური უზრუნველყოფის სამინისტრომ დღეს აფხაზეთში covid 19-ის პირველი შემთხვევა დაადასტურა. მთავარი სანიტარული ექიმის ლუდმილა სკორიკის თქმით, დაინფიცირებული პაციენტის მდგომარეობა ამ დროისთვის დამაკმაყოფილებელია. პაციენტი მოსკოვიდან ჩამოვიდა, სადაც მივლინებით იმყოფებოდა. მამაკაცი გაგრაში ცხოვრობს. სკორიკის ინფორმაციით, პაციენტი გუდაუთის სპეციალურ კლინიკაშია მოთავსებული, სადაც უტარდება კვლევები. გუშინ, 6 აპრილს აფხაზეთის ჯანდაცვისა და სოციალური უზრუნველყოფის მინისტრმა თამაზ წახნაგიამ განაცხადა რომ უნდა მოვემზადოთ იმისთვის, რომ აფხაზეთში ვირუსი ფართოდ გავრცელდება.
ცნობისთვის, რუსეთ- აფხაზეთის ე. წ საზღვარი 6 აპრილამდე 838-მა ადამიანმა გადმოკვეთა და აქედან, გუუშინ 56 ადამიანმა გადაკვეთა, აქედან 2 ადამიანი გადაყვანილია გუდაუთის საავადმყოფოში, ორივე მათგანს ვირუსუსთვის დამახასიათებელი სიმპტომები აღენიშნებათ.
ავტორი:თამუნა შონია