ქვეყანაში გავრცელებული ახალი კორონა ვირუსის ეპიდემიის მიუხედავად, ახალგაზრდა ფსიქოლოგთა და ექიმთა ასოციაცია „ქსენონი“ უწყვეტ რეჟიმში აგრძელებს საქმიანობას C ჰეპატიტის მქონე პაციენტებისა და ნარკოტიკების ინექციური მომხმარებლებისათვის. როგორც ასოციაციის ხელმძღვანელი ნინო ჯანაშია, ჩვენთან საუბარში განმარტავს, ეპიდემიის საშიშროების გავრცელების გამო „ქსენონმა“ არსებულ სიტუაციაში, ზიანის შემცირების სერვის- ცენტრის მუშაობის სპეციფიკის ცვლილება მოახდინა. მისივე თქმით, უახლოეს მომავალში ცენტრი გეგმავს „COVID-19“ -ის ეპიდემიასთან საპასუხოდ ბენეფიციარებისა და პაციენტების სხვა სპეციალური დამცავი საშუალებებით უზრუნველყოფას, როგორიცაა სამედიცინო პირბადეები და ხელთათმანები. რაც შეეხება C ჰეპატიტის მკურნალობის პროგრამას, ის შეუფერხებლად მიმდინარეობს, ამბობს C ჰეპატიტის ელიმინაციის პროგრამის ექიმი, ცირა ქაძანაია. იგი ასევე დამატებით რეკომენდაციებზე ამახვილებს ყურადღებას. ცირა ქაძანაიას განმარტებითვე, ცენტრში მედიკამენტები უწყვეტ რეჟიმში გაიცემა.