საქართველოში Covid 19-ით ინფიცირებული სულ 13 პაციენტი გამოჯანმრთელდა. 26 მარტის მონაცემებით, გამოჯანმრთელებული იყო 11 ადამიანი.
ინფორმაცია ოფიციალურ გვერდზე stopcov.ge-ზეა გამოქვეყნებული.
კარანტინის რეჟიმშია 4427 ადამიანი, სტაციონარში მეთვალყურეობის ქვეშ – 257 პირი.
ახალი კორონავირუსის გავრცელების პრევენციისთვის საქართველოში საგანგებო მდგომარეობაა გამოცხადებული. მარნეულსა და ბოლნისში კი მკაცრი საკარანტინო რეჟიმი მოქმედებს.