დღევანდელი საქველმოქმედო აქციის ორგანიზატორი “ახალი ლიდერების ინიციატივა“ 15 000 ლარით დააჯარიმეს

0
649

საგანგებო მდგომარეობის რეჟიმის დარღვევის გამო, საპატრულო პოლიციამ „ახალი ლიდერების ინიციატივა“ საქართველოს პრეზიდენტის დეკრეტის საფუძველზე 15 000 ლარით დააჯარიმა, რის შემდეგაც ოქმი ორგანიზაციის დირექტორს, კრისტინა მარია კოდი პუშოუს ჩაბარდა.

საქართველოს მთავრობის 2020 წლის 23 მარტის №181 დადგენილების მე-5 მუხლის მე-2 პუნქტის თანახმად, ახალი კორონავირუსის გავრცელების აღკვეთის მიზნით, საგანგებო მდგომარეობის პერიოდში საჯარო სივრცეში 10 პირზე მეტი ადამიანის შეკრება აკრძალულია.

“ახალი ლიდერების ინიციატივითა”  და  “სააკაშვილის საპრეზიდენტო ბიბლიოთეკის” მხარდაჭერით,  ზუგდიდის ცენტრალურ ბულვარში პირბადეები, სადეზინფექციო ხსნარები და ხელთათმანები დაარიგეს. სამედიცინო აღჭურვილობის მისაღებად უამრავი ადამიანი შეიკრიბა, რამაც დისტანცირების მხრივ პრობლემები შექმნა. აქციის შესახებ ინფორმაცია გუშინ სოციალური ქსელით გავრცელდა.

წინა სტატიაკორონავირუსით ინფიცირებული 2 წლის ბავშვის მდგომარეობა სტაბილურია
შემდეგი სტატიაქუთაისის ლაბორატორიაში კორონავირუსის შემთხვევა დადასტურდა
ტელეკომპანია ოდიშის საინფორმაციო სამსახური