ლარსზე სურსათით დატვირთული 1000-ზე მეტი მანქანა დგას, რადგან უამინდობის გამო გზის გაწმენდა ვერ ხდება, თუმცა ეს უზარმაზარი მარაგი მალე ქვეყანაში შემოვა – ლევან დავითაშვილი

0
364

“შეკვეთები არის გზაში, კლიმატური პირობების გამო ფოთში შემოსული გემების ჩამოტვირთვა რთულდება, სირთულეებია დასავლეთიდან აღმოსავლეთის დამაკავშირებელ მარშრუტებზე, ლარსზე არის ძალიან დიდი რიგი, დაახლოებით, 1000-ზე მეტი სურსათით დატვირთული მანქანა დღეს დგას იქიდან გამომდინარე, რომ გაწმენდითი სამუშაოები ზოგიერთ მონაკვეთზე ზვავსაშიშროების გამო შეზღუდულია. კიდევ ერთხელ მოგიწოდებთ, რომ პანიკას არ ავყვეთ, ხდება მოკლევადიანად,გარკვეულ დღეების ან საათების განმავლობაში კონკრეტულ პროდუქტებზე ფასების ზრდა, რაც ისევ მომხმარებელს, მოსახლეობას აზარალებს. ეს არის ჩვენთვის ყოვლად მიუღებელი. 2-3 დღეში კლიმატური სიტუაცია გამოსწორდება და ის უზარმაზარი მარაგი, რომელიც ჭარბად არის შეკვეთილი, რადგანაც ჩვენ გვქონდა რეგულარული მუშაობა ყველა მომწოდებელთან, ქვეყანაში შემოვა და ცრუ პანიკის გამო კონკრეტული მომხმარებლები დაზარალდებიან. ეს ჩვენთვის ყოვლად მიუღებელი და წარმოუდგენელია” – აცხადებს დავითაშვილი.

მისივე განმარტებით, სამინისტრო 24-საათიან რეჟიმში მუშაობს იმისთვის, რომ კრიტიკულ სიტუაციაში, კრიზისულ პერიოდში სტაბილური ფასების შენარჩუნება მოხდეს.

წინა სტატიააქცენტი გაკეთდება იმ პროდუქციის საქართველოში წარმოებაზე, რომელზეც მოთხოვნა დიდია – ნათია თურნავა
შემდეგი სტატიაჩხოროწყუში პოლიციამ იძულების წესით კარანტინში რამდენიმე პირი გადაიყვანა
ტელეკომპანია ოდიშის საინფორმაციო სამსახური